Sunday, 17 December 2017

Iwaalkeei Nondiindoni Kot ingwaal

In Praise of the Nandi gaa Kaburwo.
Ano anee Cheptabach ak Miso
Sineet nebo Mugeenge
Muren nebo Nandi. A Nandi warrior clad in military gear

Kiboo Kapkeben gaa
Kain bo arap Marigi
Kimenye Kigirgei Chesombe
Asi itopen Soiin lakwap boiyoo
Samitui Chelemei
Kiboo rekto bei, kotook tuk
Nandiekab kibosei
Chekibasei Kibuunet ak Mariich
Koboschi koiba Masaamba
Asi ko sich Chumeek che keweel kou Maleel
Kipsalbei che kii sal Chemuruk ak Kundoos
Asi ko sich Kipkoimet chebo tech teget eng' Keteng'
Kiboo Kaplelach chebo Tumoge
Kip raany tuga ko toorus
Kaplelach chemii chego moo, chebo kon'geeta
Mwokto ma eng Kiptuui kot kou buun.
Kiboo Kendi Booi chebo arap Cheriige

Che kii itaguur eng Koiloot ak Cheboror
Kap kosaas, Cheululutab arap Chemalan
Ak bulbulen eng Lolkireny
Si ko loong' ko ba Nyangusei, arap Chemurmet

Kiboo Nyanyi gogo ak Tabusuyee
Ibatu ng'oo keny

Kiboo kap koo kirgiir tich,
Komach sugutek eng Keben
Kor bo arap Indalut ak Cheptum
Kiboo Saweyekab ma rar ma nebo Kipsobooi
Ta bet kii kweny maat ako beet.
Kiboo Kong'eeluk
Che ingebaree tuga bun komi tai
Kiboo Kabiyet tuui suswoo,
Ak Chepterwai ng'waan koriis ako tioony muren
Ne kireker tulwop Kamoobir eng Sarura
Ak ko abuch long'eet koro Sooi
Kiboo Chebarbar sumbarar
Ak Kin'gwaal ne kii ng'waal Baraton ak Amai
Kiboo Chepterit Muraaria ak Kapkobiis
Kii bo Tindireet Chebuusia
Ne muguul ket mambuli
Ne ngo liel kee kool bai
Metrological station nebo Nandi
Kiboo Ndalat ak Kaigaat
Tabsagoi, kap lany lugeet tulwet ak koyaanda
Kiboo Sereem chemugon
Ole amei tuga sasuurek
Tabet nyalil wee arap Bar Sombeto
Kiboo Chesaabit ak Meego
Ki boo Nandi gaa ki buul keny
Ole ingo luul ket koitei simamik Kipsigiis
Ne kii ibesio Kipchoria
Eng Tindiretnyoo ne ngoo liel kee kool bai
Kiboo Nandi iman,
Nandi chebo butwoo
Chebo tebee koi

No comments:

Post a Comment

Second phase of ICOs CURRENT ICO, FRIENDZ ICO AND ACORN

I'm done with my first wave of ICO investments. They're: Swissborg (CHSB) Crypterium (CRPT) Lucyd LH-Crypto (LHCoin) Graft...